Elordanyń Áleýmettik beıimdeý ortalyǵynda belgili turaǵy joq 215 adam bar
ASTANA. 16 qańtar. QazAqparat - Qazirgi kezde elordanyń Áleýmettik beıimdeý ortalyǵyna belgili turaǵy joq 215 adam ornalastyrylǵan. Olardyń ishinde 6 adam qalalyq aýrýhanada emdelýde. Bul týraly Astana qalasynyń Jumyspen qamtý jáne áleýmettik baǵdarlamalar basqarmasynan málim etti, dep habardaıdy elordanyń resmı saıty.
Kún saıyn jedel qyzmettiń áleýmettik patrýli keshki reıdterge shyǵyp, belgili turaǵy joq adamdardy ortalyqqa jetkizedi. Áleýmettik ortalyqtyń túngi qabyldaý bólimine kún saıyn 10-15 adam jetkiziledi eken.
Kún raıy buzylǵan jaǵdaıda Mekeme qyzmetkerleri óz jumystaryn kúsheıte túsedi.
Eske salaıyq, «Belgili turaǵy joq adamdar úshin áleýmettik beıimdeý ortalyǵy» MM elordada atalǵan sanattaǵy adamdardyń birqatar keshendi máselelerin (áleýmettik, turmystyq jáne medıtsınalyq) sheshý úshin 2001 jyly qurylǵan. Ortalyq adamdardyń margınaldy tobyna jatatyndardy jumysqa ornalastyrýǵa, qujattaryn qalpyna keltirýge, burynǵy turǵylyqty meken-jaıy boıynsha otbasyna qaıtyp oralýǵa kómek kórsetip, yqpal jasaıdy.
