Elordanyń aldaǵy úsh jyldaǵy bıýdjeti belgili boldy
Qalalyq Ekonomıka jáne bıýdjettik josparlaý basqarmasynyń basshysy Qaısar Mańqaraevtyń aıtýynsha, úsh jyldyq bıýdjettiń parametrleri aǵymdaǵy jaǵdaıdy jáne 2025 jylǵa deıingi kezeńge arnalǵan elordanyń boljamdy kórsetkishterin eskere otyryp qalyptastyryldy.
«2021-2023 jyldary jetkizilgen lımıtterge sáıkes, jeke kiristerdiń túsimi 1 trln 1 mlrd 376 mln teńgeni quraıdy. Onyń ishinde 2021 jyly 319,7 mlrd teńge, 2022 jyly – 332,2 mlrd jáne 2023 jyly - 349,3 mlrd teńge. 2021 jyly jeke kiris kólemi 319,7 mlrd teńge somasynda baǵalanyp otyr, bul turǵyda 5 paıyz ósim qamtyldy», - dedi basqarma basshysy Bıýdjet, ekonomıka, ónerkásip jáne kásipkerlik máseleleri jónindegi turaqty komıssııa otyrysynda.
Onyń ishinde salyq túsimderi 315,9 mlrd teńge, salyqtyq emes túsimder 1,1 mlrd teńge, sondaı-aq negizgi kapıtaldy satýdan keletin túsim 2,7 mlrd teńge boldy. Aldaǵy úsh jylda salyq túsimderi elordanyń jeke kiristeriniń jalpy kóleminiń 98 paıyzǵa jýyǵyn qamtamasyz etedi.
Q. Manqaraevtyń sózine qaraǵanda, jergilikti úsh jyldyq bıýdjettiń shyǵysy 1 trln 1 mlrd 376 mln teńge somasynda josparlanǵan. Sáıkesinshe, Onyń ishinde 2021 jyly 319,7 mlrd teńge, 2022 jyly – 332,2 mlrd, 2023 jyly 349,3 mlrd teńge jumsalmaq.
