Elordanyń Ádilet departamentiniń qyzmetkerleri halyq qalaýlylarymen kezdesti

«Biz búgin sot jáne quqyq qorǵaý júıesin jetildirý máselelerin talqylaý úshin jınalyp otyrmyz. Kez kelgen memlekettiń damýy eń birinshi tynyshtyq pen turaqtyqlyqtyń  kepili», -  dep atap ótken «Nur Otan» HDP Astana qalalyq fılıaly tóraǵasynyń birinshi orynbasary Qaırat Jańabergenov osy rette sóz tizginin zań shyǵarý isimen tikeleı aınalysatyn organnyń beldi múshesi, Májilis depýtaty Rahmet Muqashevke berdi.

Ol el tarıhyndaǵy tuńǵysh kóp partııaly Parlamenttiń jarty jyl ishindegi jumysyna qorytyndy jasap, aldaǵy mindetterine keńinen toqtaldy.

Onyń atap ótýinshe, QR Parlamenti Májisiniń 5-shi shaqyrylymynyń 1 sessııasynyń jumys kezeńinde tómengi palata 39 zań jobasyn maquldap, Senat qaraýyna jibergen. «El Prezıdenti qol qoıǵannan keıin 21 zań jobasy zańdyq kúshine enip, respýblıkanyń quqyqtyq bazasyn tolyqtyrdy», - dedi halyq qalaýlysy.

Kezdesý barysynda departament qyzmetkerleri Májilis depýtattaryna ózderin tolǵandyryp júrgen saýaldaryn qoıyp, tuşymdy jaýap aldy.