19:00, 31 Tamyz 2016 | GMT +5
Elordanyń 9 naýbaıhanasy básekelestikti qorǵaý týraly zańdy buzý kúdigine ilikti
ASTANA. QazAqparat - QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń departamenti birinshi surypty unnan bólke nandy kóterme satýshylarǵa qatysty tergeý amaldaryn bastady.

Bul týraly atalǵan komıtettiń baspasóz qyzmetinen habarlady.
Taratylǵan aqparatqa qaraǵanda, departament 2016 jyldyń 1-shi jartyjyldyǵynda 1-shi surypty unnan pisirilgen bólke nandy kóterme satý naryǵyna saraptama jasaý jumystaryn júrgizgen. Nátıjesinde, 9 sýbektiniń qyzmetinde básekelestikti qorǵaý salasyndaǵy zańnamany buzý belgileri baıqaldy.
Osyǵan baılanysty departament «Karýnd» JShS, «Kalıev A.B.» JK, «Sapa nan» JShS, «LIA» JShS, «Adelına» JK, «Shteın» JK, «Kompanııa dıg» JShS, «Horoshýn T.N.» JK jáne «Stolıchnyı hleb» JShS & «Assortı Nan» JShS-na qatysty básekelestikti qorǵaý salasyndaǵy zańnamanyń buzylýyna oraı tergeýdi bastady.