Elordanyń 8 mektebinde kúrdeli jóndeý jumystary júrgizildi
NUR-SULTAN. QazAqparat – Elorda ákimi Altaı Kólginov №27 mektep-lıtseıdiń jóndeý jumystarymen tanysty, dep habarlaıdy elorda ákimdiginiń saıty.
Oqý synyptarynda jóndeý jumystaryn júrgizip, terezeler men esikter aýystyryldy. Ashana jabdyqtary jartylaı aýystyryldy. Kelesi jyly ǵımarattyń qasbetine jáne ınjenerlik jelilerge jóndeý jumystary júrgiziletin bolady.
Qala ákimi A. Kólginov oqý jylynyń basynda barlyq jumystardy aıaqtaý jáne mektep aýmaǵyn abattandyrý qajettigin atap ótti.
Aǵymdaǵy jyly 8 mektepte kúrdeli jóndeý, 26 mektepte ortasha jóndeý (terezeler/esikterdi aýystyrý), qalǵandarynda kosmetıkalyq jumystar júrgizildi. Kelesi jyly 14 oqý ornynda kúrdeli jóndeý jumystaryn júrgizý josparlanǵan.