Elordanyń 7 úıiniń turǵyndary 9 saǵattan astam ýaqyt boıy sýsyz qaldy
TANA. 1 qarasha. QazAqparat - Elordanyń 7 úıiniń turǵyndary 9 saǵattan astam ýaqyt boıy sýsyz qaldy, dep habarlady QR TJM baspasóz qyzmetinen.
Dúısenbi kúni saǵat 17:00-de Kravtsov kóshesi boıynda dıametri 200 mm-lik sý qubyry tozyǵy jetýi saldarynan jaryldy. Sonyń saldarynan Kravtsov kóshesindegi № 2, 2/1, 2/2, 4/1 jáne Taha Hýseın kóshesindegi № 15/3, 15/4, 15a úılerdiń turǵyndary sýsyz qaldy. Turǵyndarǵa sý jetkizip berý uıymdastyryldy.
Búgin túngi saǵat 2:15-te sýmen jabdyqtaý júıesi tolyǵymen qalpyna keltirildi.
Tótenshe oqıǵanyń saldaryn joıýǵa «Astana sý arnasy» MKK-niń apattyq brıgadasynyń 8 maman men 5 tehnıkasy jumyldyryldy.
