Elordanyń 47 mektebinde robottehnıka synyby ashyldy
ASTANA. QazAqparat - Astanadaǵy 47 mektepke robottehnıka synyptary ashylyp, oǵan bıýdjetten 183 mln teńge bólindi, dep habarlaıdy elorda ákimdiginiń medıa ortalyǵy.
Qalalyq bilim basqarmasy bergen málimetke súıensek, jyl sońyna deıin qaladaǵy taǵy 37 mektepte robot tehnıkasyn úıretetin synyptar ashylyp, oǵan qajetti qural-jabdyqtar alynady dep josparlanýda. Robottehnıka negizgi pán emes, qosymsha pán retinde ótkiziledi. Barlyq mektepterde fakýltatıv retinde ótetindikten oqýshylar oǵan óz erkimen qatysatyn bolady.
Robottehnıka pánderin ınformatıka pániniń muǵalimderi ótkizetin bolady. Olardyń barlyǵy Nazarbaev ýnıversıtetinde arnaıy oqytý kýrstarynan ótti.
Robottehnıka pániniń synyptary orta eseppen 8-10 oqýshyǵa arnalyp jabdyqtalǵan. Ázirge bir aptada 2-4 ret ótkizilý josparlanǵan. Qosymsha pánge oqýshylar tarapynan qyzyǵýshylyq artsa saǵat sanyn kóbeıtiledi.
