Elordanyń 40 myńǵa jýyq oqýshysy jazǵy demalystaryn mektep lagerlerinde ótkizdi
ASTANA. QazAqparat - Mektep oqýshylarynyń jazǵy demalystary da aıaqtalýǵa jaqyndap qaldy. Aǵymdaǵy jyly elordanyń oqýshylary mektep janynan ashylǵan lagerlerde bos ýaqyttaryn tıimdi ótkizip, túrli sektsııalar men úıirmelerge qatysyp, úsh aılyq demalysty qyzyqty sáttermen toltyra aldy.
Astana qalasy bilim basqarmasynyń habarlaýynsha, elordanyń 73 mektebi janynan ashylǵan lagerler maýsymnyń 1-i men shildeniń 10-y aralyǵynda jumys istep, ol jerde 1-4 synyp aralyǵyndaǵy 37 656 oqýshy demalys kúnderin ótkizgen bolatyn. Mektep lagerleriniń negizgi maqsaty - bastaýysh synyp oqýshylarynyń shyǵarmashylyq ál-aýqatyn damytyp, olardy salaýatty ómir saltyna baýlý bolyp tabylady.
Sonymen qatar, Astananyń eki birdeı Oqýshylar saraılarynyń janynda "Jazǵy demalys akademııasy" jáne "Shyǵarmashylyqtyń jazǵy mektebi" lagerleri jumys istedi. Demalys merziminde oqýshylar lıngvıstıka sabaqtaryn úırenip, shahmat oınaý sheberlikterin jetildirdi. Sondaı-aq, sýret salý, teatr óneri boıynsha da tálim aldy.
