Elordanyń 4 aýdanynyń ákimi Open space formatynda jumys isteıdi
Bul týraly Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamentiniń basshysy Nurlan Qydyrbaev «Antikor.Live» jobasy aıasyndaǵy onlaın brıfıngte aıtty, dep habarlaıdy QazAqparat tilshisi.
«Elordanyń 4 aýdanynyń ákimi Open space formaty boıynsha jumys isteıdi. 4 aýdan ákimi kabınetterin birinshi qabattan ashyp, halyqtyń qabyldaýǵa kelýine qolaıly jaǵdaı jasady. Mektep dırektorlary da kabınetterin birinshi qabatqa aýystyryp jatyr. Buryn mundaı jerge barǵanda kezekke turatyn, qazir bári bir terezen qujat tapsyryp, qujat alady», - deıdi Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti basshysy Nurlan Qydyrbaev.
Onyń aıtýynsha, Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti byltyr jańa ǵımaratqa kóshti.
«Jańa ǵımarattaǵy kabınetterde ashyq tereze júıesi ornaǵan. Barlyq qyzmetkerge jaǵdaı jasaldy. Jaǵdaı jasalǵan soń ujymnan da jaqsy kórsetkish suraımyz», - deıdi ol.