Elordanyń 4 aýdanyna qosymsha qomaqty qarjy bólinedi

NUR-SULTAN. QazAqparat - Elorda 2023 jylǵa deıin naqtylanǵan bıýdjetinde qalanyń 4 aýdanyna qomaqty qarajat bólý qarastyrylǵan. Bul týraly Nur-Sultan qalalyq ekonomıka jáne bıýdjettik josparlaý basqarmasynyń basshysy Qaısar Mańqaraev aıtty, dep habarlaıdy QazAqparat tilshisi.

«Almaty» aýdany ákiminiń apparatynyna - 1 mlrd 130 mln, «Baıqońyr» aýdany ákiminiń apparatyna - 181 mln, «Esil aýdany» ákiminiń apparatyna 2 mlrd 79 mln jáne «Saryarqa» aýdany ákiminiń apparatyna 1 mlrd 363 mln teńge qarajat qosymsha kózdelip otyr», - dedi ol Nur-Sultan qalalyq máslıhatynyń kezekten tys 76-shy sessııasynda.

Onyń atap ótýinshe, bólingeli otyrǵan atalǵan qosymsha qarajat qalany abattandyrý jumystaryn aıaqtaýǵa, sonymen qatar aýdandardy sanıtarlyq tazartý jumystaryn jumsalady.

Buǵan deıin ol elordanyń 2023 jylǵa deıingi naqtylaǵan bıýdjetin máslıhat depýtattarynyń nazaryna usynǵanyn habarlaǵan edik.

«Jergilikti bıýdjetti bul jolǵy naqtylaý Memleket basshysynyń bıylǵy 1 qyrkúıektegi Joldaýynan týyndaǵan maqsattar men mindetterdi júzege asyrý maqsatynda júrgizilip otyr. Júrgizilgen saraptama menshikti kiristerdiń is júzindegi túsiminde josparlardy 22,2 mlrd teńgege arttyryp, 327 226 mln teńgege jetkizýge múmkindik bar ekendigin anyqtady. Onyń ishinde salyqtyq túsimderdi 18,5 mlrd teńgege ulǵaıtyp, 301 376 mln teńgege arttyrý josparlanyp otyr», - degen edi ol.