Elordanyń 3D kartasy jasalady
«Nur-Sultan qalasynyń 3D sandyq kartasyn jasaýǵa 100-den astam maman tartyldy. Olardyń qatarynda jerdi qashyqtan zondtaý, aerofotúsirilim, kartografııa, fotogrammetrııa, aqparattyq tehnologııalar jónindegi kásip ıeleri bar. Qalanyń 3D kartasy men ınjenerlik jelilerdi tsıfrlandyrylý jumysy 3 kezeńnen turady. Aldymen qalanyń 2D kartasyn jasaý, sodan soń 3D kartany ázirleý jáne úshinshi kezeń ınjenerlik jeliler kartasyn daıyndaý. Bul baǵyttaǵy jumys osy jyldyń 10 maýsymynda bastaldy, aıaqtaý 2021 jyldyń 31 jeltoqsanyna josparlanyp otyr», - delingen habarlamada.
Sondaı-aq, atalǵan basqarma qazirgi ýaqytta qaladaǵy ınjenerlik jeliler boıynsha qandaı problemalar barynda atap ótti.
«Búgingi tańda qalanyń ınjenerlik jelisiniń basty problemasy - kartada koordınattar durys ornalastyrylmaǵan. Sondyqtan qandaı da bir jer jumystaryn júrgizý kezinde ınjenerlik jelilerdi zaqymdaý qaýpi bar. Bul máseleni sheshý úshin ınjenerlik jelilerdiń biryńǵaı kartasy bolýy shart. Sondaı-aq, atalǵan karta kommýnaldyq qyzmet, qala ákimdigi jáne basqa da múddeli taraptardyń jumysy barysynda qajet», - dep habarlaıdy basqarma.
Atalǵan mekemeniń málimetinshe, tsıfrlandyrý jáne 3D jumysyna tolyqtaı otandyq mamandar tartylady.
«Tsıfrlyq 2D / 3D kartasyn jasaý eń aldymen HHІ ǵasyrdyń tehnologııalaryna sáıkes qala qurylysyn josparlaý úshin, sondaı-aq tsıfrlyq bas jospar qurý úshin qajet. Elordadaǵy ǵımarattar men ınjenerlik jelilerdi tsıfrlandyrý jumystaryna «KazAeroSpace» JShS jaýapty jáne onda tolyqtaı otandyq mamandar jumys isteıdi. Bul jaýapty uıym qalanyń kartasyn fotogrammetrııa ǵylymynyń negizine súıenip ázirleıdi. Jáne ol tehnologııanyń patenti men avtorlyq quqyǵy bar», - dep jazylǵan saýal jaýabynda.