Elordanyń 35 myńǵa tarta turǵyny áleýmettik-psıhologııalyq kómek aldy
ASTANA. 12 qarasha. QazAqparat - Qalalyq Densaýlyq saqtaý basqarmasy eń kóp taraǵan ári qaýipti, sonyń ishinde psıhıka densaýlyǵyna baılanysty aýrýlardyń sanyn azaıtýǵa baǵyttalǵan aldyn alý is-sharalaryn turaqty túrde ótkizip keledi.
Elorda resmı saıtynyń habarlaýynsha, Densaýlyq saqtaý basqarmasynyń málimetteri boıynsha, bıylǵy jyldyń alǵashqy jartyjyldyǵynda 34 703 elorda turǵyny áleýmettik-psıhologııalyq kómek aldy. Olardyń - 1481-i áleýmettik áljýaz otbasyndaǵy, 1333-i - turmysy tómen jáne kedeı otbasyndaǵy, 1133-i - kópbalaly jáne tolyq emes otbasyndaǵy adamdar.
Dárigerler men áleýmettik qyzmetkerler aǵzalarynyń qyzmeti turaqty buzylǵan 1111 eresek pen 550 balany, alǵashqy medıtsınalyq-sanıtarlyq jáne shuǵyl medıtsınalyq kómekti jıi qajet etetin (aıyna 3 retten artyq) 796 patsıentti qamtamasyz etti.
Sondaı-aq, atalǵan kezeńde ózdiginen dármensiz 2 058 patsıentke medıtsınalyq kómek kórsetildi. Olar - júıke júıesiniń qyzmeti buzylǵandar (338), onkologııalyq aýrýmen aýyratyndar (300), turmystyq-zorlyq-zombylyqqa ushyraǵandar (26), margınaldyq toptaǵylar (150), minez-qulqy buzylǵan adamdar (6), onyń ishinde ózine-ózi qol salýǵa ıkemdiler.
Sonymen qatar, №4 jáne №7 qalalyq emhananyń kóshpeli medıtsınalyq kesheni qala mańy, bazarlar men jaǵdaıy nashar aýdandardyń turǵyndaryn turaqty túrde jalpy baqylaýdan ótkizip turady. Birinshi jartyjyldyqta mamandar 7 476 adamdy medıtsınalyq tekserýden ótkizip, 4 020 adamnan túrli aýrýdy anyqtady.
