Elordanyń 2 kóshesinde bir baǵyttaǵy kólik qozǵalysy engiziledi
ASTANA. QazAqparat - Elordanyń 2 kóshesinde bir baǵyttaǵy kólik qozǵalysy engiziledi. Bul týraly búgin Astana qalalyq jolaýshylar kóligi basqarmasynyń bastyǵy Edil Súleımenov məlim etti.
"Astana qalasy joldarynyń kólik ótkizý əleýetin ulǵaıtý baǵytynda keshendi jumystar júrgizilýde. Onyń ishinde bir baǵyttaǵy kólik qozǵalysyn jolǵa qoıý, qoǵamdyq kólikterge arnaıy jolaqtar belgileý bar. Júrgizilgen kóliktik keshendi saraptamanyń negizinde qalanyń bes ýchaskesinde bir baǵyttaǵy kólik qozǵalysyn engizý qajettiligi anyqtaldy",- dedi ol.
Onyń aıtýynsha, bul jumys eki kezeńmen júrgiziledi. Birinshi kezeń 28 mamyrdan bastap júzege asyrylyp, Əýezov kóshesi boıynda Respýblıka dańǵylynan Moldaǵulova kóshesine deıin, Jeltoqsan kóshesinde Məskeý kóshesinen Kenesary kóshesine deıin bir baǵyttaǵy kólik qozǵalysy engiziledi. "Ekinshi kezeń 2016 jyldyń 10 maýsymynan bastalady. Bir baǵyttaǵy kólik qozǵalysy úsh kóshege engiziledi. Olar Abaı, Kenesary jəne ıAnýshkevıch kósheleri. Abaıda Saryarqadan Pýshkınge deıin, Kenesaryda Pýshkınnen Saryarqaǵa deıin, ıAnýshkevıchte Abaıdan Imanov kóshesine deıin",- dedi E. Súleımenov..
