Elordanyń 1500-den astam medıtsına qyzmetkeri arnaıy oqýdan ótti
ASTANA. QazAqparat - Astana qalasynda medıtsına qyzmetkerleriniń biliktiligin arttyrýǵa kóp kóńil bólinedi. Qalalyq Densaýlyq saqtaý basqarmasynyń habarlaýynsha, bul baǵytta júıeli túrde jumystar júrgizilip, dárigerlerge biliktilikti arttyrý úshin shet elderdiń iri medıtsına ortalyqtary men ınstıtýttarynda uıymdastyrylatyn arnaıy kýrstarǵa joladama berilip turady.
Basqarma málimetine súıensek, jyl basynan beri medıtsına salasynyń 1579 qyzmetkeri oqýdan ótken. Olardyń 74-i dárigerler bolsa, 790-y orta medıtsınalyq qyzmetkerler.
Sonyń ishinde 44 maman Shveıtsarııa, Avstrııa, Germanııa, Frantsııa, Portýgalııa, Azerbaıdjan, Italııa, Izraıl, AQSh sekildi iri memleketterde óz biliktilikterin arttyrdy.
