Elordany kezgen «Kapıtan Karantınniń» kim ekeni anyqtaldy
NUR-SULTAN. QazAqparat – Nur-Sultan qalalyq Polıtsııa departamenti elorda turǵyndaryna qoqystaryn laqtyrýdy usynyp, qoldaryn dezınfektsııalap júrgen «Kapıtan Karantınniń» kim ekenin anyqtady, dep habarlaıdy QazAqparat tilshisi.
«Áleýmetttik jelilerge monıtorıng júrgizý barysynda ózin «Kapıtan Karantın» dep ataǵan azamattyń turǵyn úı keshenderiniń turǵyndaryn úıde qalýy kerektigi jaıly úndeý tastap júrgenin anyqtadyq. Onyń kim ekeni anyqtaldy. Ol – qala turǵyny. Onymen tótenshe jaǵdaı rejımin buzbaý týraly profılaktıkalyq áńgime júrgizildi», - dep habarlady Nur-Sultan qalalyq polıtsııa departamentinen.
Anyqtalǵandaı, elordalyq azamat Instagram-da Kapitankarantin ataýymen akkaýnt ta ashqan. Biraq ol jaqynda ǵana qurylǵan. Onda ol turǵyndarǵa úıden shyqpaý kerektigin eskertedi.
