Elordany gazdandyrýǵa qatysty turǵyndardyń suraqtaryna jaýap beriledi

NUR-SULTAN. QazAqparat - 26 qyrkúıekte «Nur Otan» partııasynyń astanalyq fılıalynyń partııalyq baqylaý komıssııasynyń otyrysynda qalany aldaǵy ýaqytta gazdandyrý daıyndyǵyna qatysty máseleler kóteriledi, dep habarlaıdy QazAqparat. Bul týraly «Nur Otan» partııasynyń astanalyq fılıaly tóraǵasynyń birinshi orynbasary Erlan Qanalımov málim etti.

«Qashan astanaǵa gaz ótkiziledi, Nur-Sultanda gaz qondyrǵysy mamandary bar ma, kim olardy daıyndaıdy jáne taǵy basqalar. Elordada Nazarbaev Ýnıversıteti, Ǵarysh ortalyǵy jáne Qazaqstan Respýblıkasy Qorǵanys mınıstrliginiń akademııasy qosylǵan bir regazıfıkatsııalyq stansa paıdalanýǵa berilgenin kóp adamdar bilmeıdi. 26 qyrkúıekte «Nur Otan» partııasynyń astanalyq fılıalynyń partııalyq baqylaý komıssııasynyń otyrysynda biz qalany aldaǵy ýaqytta gazdandyrý daıyndyǵyna qatysty suraqtarǵa jaýap alamyz», dep jazdy Erlan Qanalımov Facebook-tegi paraqshasynda.

Onyń aıtýynsha, jıynda komıssııanyń qaraýyna halyqtan kelip túsetin problemalyq máselelerdi, tıisti ınfraqurylymdy qurýdy jáne t.b máseleler kóteriledi.

Astanany gazdandyrý jobasynyń tehnıkalyq-ekonomıkalyq negizdemesine sáıkes gaz taratý jelilerin salý 3 kezeńge bólingen.

«Búgingi tańda jobanyń birinshi kezeńi úshin 9 iske qosý kesheni (JEO jetkizý jelileri, Kóktal-1 jáne Kóktal-2 temirjolynda gaz taratý jelileriniń qurylysy, sondaı-aq t/m Jeleznodorojnyı, Ónerkásiptik jáne Ońtústik-shyǵys), qurylysy bıyl bastalady dep josparlanǵan», deıdi Erlan Qanalımov.

Onlaın rejimde ótetin jınalysqa kez kelgen adam qatysa alady. Ol atalmysh máselege qatysty turǵyndardyń suraqtary men tilekteri bolsa [e-mail] elektrondy poshtasyna jáne WhatsApp messendjerine (8701399302) jiberýdi surady.