Elordanyń turǵyn alaptarynda júzege asyrylyp jatqan jobalar quny ózgeredi

ASTANA. KAZINFORM — Elordanyń turǵyn úı alaptaryndaǵy ınjenerlik jeliler men kólik ınfraqurylymyn salýǵa qatysty birqatar jobaǵa qosymsha qarajat qajet. Bul týraly «Astana qalasynyń kólik jáne jol-kólik ınfraqurylymyn damytý basqarmasy» MM basshysy Ashat Qaraǵoıshın aıtty.

— 2025 jyly turǵyn alaptarynda 8 jobany júzege asyrý josparlanǵan. Qajetti qarjy kólemi — 12,5 mlrd teńge. Búginde 8,5 mlrd teńge, onyń ishinde jergilikti bıýdjetten 5,2 mlrd, respýblıkalyq bıýdjetten 3,3 mlrd teńge bólindi, — dedi ol qalalyq máslıhattyń qurylys, ekologııa, kólik jáne turǵyn úı-kommýnaldyq sharýashylyq jónindegi turaqty komıssııasynyń otyrysynda.

Onyń aıtýynsha, bıyl Ońtústik-Shyǵys, Kóktal-1 turǵyn alaptarynda jobalardy júzege asyrý aıaqtalady. Internatsıonalnyı, Mıchýrıno, Kúıgenjar turǵyn alaptarynda elektrmen jabdyqtaýǵa arnalǵan syrtqy jelini 2026 jyly aıaqtaý josparlanyp otyr.

Jeleznodorojnyı turyn alabyna qatysty joba ótken jyly memlekettik saraptama engizilgen. Alaıda, 2025 jyldan bastap ereje ózgerip ketti. Sondyqtan joba jańa baǵalaýmen qaıtadan saraptamadan ótkiziledi. Joba 3-4 jyldyń ishinde aıaqtalmaq. Komsomolskıı turǵyn alaby boıynsha merdigermen kelisimshart buzyldy. Osy jylydyń shildesinde jobalyq-smetalyq qujattama túzetilgen soń jobany júzege asyrýdy jalǵastyrý úshin baıqaý jarııalanady. Úrker turǵyn alabynda turǵyndardyń talabymen 16 kóshege trotýar tóselip, 5 baǵdarsham ornatylady. Bul rette joba quny qaıta qaralyp, túzetiledi. Joba bıyl aıaqtalady. 

Buǵan deıin elordanyń turǵyn alaptarynda ınjenerlik jeliler qalaı salynyp jatqanyn jazǵan edik.