Elordanyń turǵyn alaptarynda ınjenerlik jeliler qalaı salynyp jatyr

ASTANA. KAZINFORM — Elordada qalalyq máslıhattyń qurylys, ekologııa, kólik jáne turǵyn úı-kommýnaldyq sharýashylyq jónindegi turaqty komıssııasynyń otyrysy ótti. Onda «Astana qalasynyń kommýnaldyq sharýashylyq basqarmasy» MM basshysy Erlan Syzdyqov turǵyn alaptardaǵy ınjenerlik jeliler men jol ınfraqurylymyn salý barysy jaıynda aıtty.

— Elordanyń turǵyn alaptarynda ınjenerlik jeliler men jol ınfraqurylymyn salý boıynsha 9 jobany ázirleý jáne júzege asyrý júrgizilip jatyr. olardyń ishinde «Órken» men «Kırpıchnyı» jobalaryn abattandyrýsyz bıyl aıaqtaý, «Promyshlennyı» men «Shubar» jobalary bastaý josparlanyp otyr. Qalǵan 5 joba ázirlenip jatyr. olardy kelesi jyly bastaý kózdeledi, — dedi mekeme basshysy. 

Onyń aıtýynsha, «Kırpıchnyı» turǵyn alabynda sýmen jabdyqtaý jáne sý burý jelisiniń qurylysy júrgizilip jatyr. qazirdiń ózinde 5,8 shaqyrym káriz jelisi salyndy. Bul jospardyń 95 paıyzyn quraıdy. Drenaj jelisi 100 paıyz aıaqtaldy. 1,8 shaqyrym nemese sý qubyry jelisiniń 84 paıyzy, jańbyrǵa arnalǵan káriz jelisi 0,4 shaqyrym, nemese 50 paıyzǵa daıyn. Bıyl atalǵan jumysqa 1,3 mlrd teńge bólingen.

«Órken» turǵyn alabynda uzyndyǵy 63 shaqyrym bolatyn joldyń 61,4 shaqyrymy tóseldi. Jalpy aýdany 69,5 myń sharshy metr bolatyn jaıaý júrginshiler jolynyń 66 myń sharshy metri daıyn. 77 shaqyrym elektr jelisi, 83,2 shaqyrym sý burý jelisi, 71 shaqyrym káriz jelisi salyndy. 17 káriz sorǵy stansasy boı kóterdi. Qalǵan 3 stansa áli ıgerilmegen ýchaskede ornalasqan. Olar kelesi jyly salynady.