Elordanyń kólik ınfraqurylymyn jaqsartý: qalany aınalyp ótetin temirjol salynady

ASTANA. KAZINFORM — Astana qalasynyń ákimi Jeńis Qasymbek pen «Qazaqstan temir joly» UK» AQ Basqarma tóraǵasy Talǵat Aldybergenov jumys kezdesý barysynda elordanyń kólik júıesin damytý boıynsha keshendi strategııa ázirleý boıynsha jıyn ótkizdi. Bul týraly «Qazaqstan temir joly» UK» AQ baspasóz qyzmeti málim etti.

Taraptar jol jáne kólik ınfraqurylymyn jańǵyrtýdy, temirjol qatynasyn qalalyq ortaǵa ıntegratsııalaýdy, sondaı-aq elorda shekaralarynda kólik-logıstıkalyq júıeni, qala turǵyndarynyń ómir súrý sapasyn arttyrýǵa jáne qalalyq utqyrlyqty damytýǵa baǵyttalǵan birlesken jobalardy iske asyrýdy qosa alǵanda, ózekti máselelerdi talqylady.

Astana búginde elimizdiń negizgi kólik haby bolyp tabylyp, ol arqyly Qazaqstannyń barlyq óńirlerin baılanystyratyn jáne odan tysqary shyǵatyn asa mańyzdy temirjol, avtomobıl jáne avıatsııalyq marshrýttar ótetindigi ataldy.

— Jeke ınvestıtsııalardy tarta otyryp, qalany aınalyp ótetin temirjol jolyn salý jónindegi basymdyqty joba jeke qaraldy. Qala astananyń damý men halyqaralyq yntymaqtastyq, ınvestıtsııalar tartý ortalyǵy retindegi mártebesin nyǵaıtyp, logıstıkalyq aǵyndardy basqarýda, jolaýshylar men júk tasymalyn úılestirýde strategııalyq ról atqarady, — delingen habarlamada.

Kólik toraptaryna irgeles aýmaqtardy abattandyrý, logıstıkany jaqsartý jáne ınfraqurylym obektileriniń ótkizý qabiletin arttyrý máselelerine erekshe nazar aýdaryldy. Dıalog sheńberinde eki tarap qazirgi Astananyń qajettilikterine jaýap beretin tıimdi jáne ornyqty kólik júıesin qurý úshin kúsh-jigerdi odan ári úılestirý týraly ýaǵdalasty.