Elordanyń eki turǵyny «TikTok»-ta qumar oıynyn ótkizgen

ASTANA. KAZINFORM - Elordada «TikTok» áleýmettik jelisinde qumar oıyndaryn uıymdastyrǵan eki kúdikti sottaldy, dep habarlaıdy Astana qalasynyń prokýratýrasy.

Sot úkimimen 2 qala turǵyny Qazaqstan Respýblıkasynyń oıyn bıznesi týraly zańnamasynda belgilengen oryndardan tys jerlerde qumar oıyndardy uıymdastyrǵany jáne ótkizgeni úshin 4 jylǵa bas bostandyǵynan aıyryldy. 

Kúdiktiler aldyn ala sóz baılasý arqyly  «TikTok»áleýmettik jelisinde «Zarık» atty qumar oıynyn ótkizip, jalpy somasy 34 mln teńgeden astam tabys tapqan.

Oıynnyń shartyna sáıkes, tikeleı efırge qosylǵan azamattar 500-den 4000 teńgege deıingi mólsherdegi belgilengen somany uıymdastyrýshynyń esepshotyna esimin jáne utys alý úshin jeke telefon nómirin kórsete otyryp joldaıdy. Bir oıyn tek eki qarsylastyń arasynda ótedi.

Bás tigýdiń jeńimpazy 3 ret oıyn tekshesin aınaldyrý arqyly anyqtalady. Eń kóp upaı jınaǵan oıynshy jeńimpaz bolyp tabylady.

Úkim zańdy kúshine endi.