Elordanyń birneshe kóshesi jaryqsyz qaldy

ASTANA. KAZINFORM – Elordada Almaty aýdanynyń birneshe kóshe boıynda jaryq sónip qaldy. Tótenshe jaǵdaıdyń sebebin «Astana REK» AQ mekemesiniń baspasóz qyzmetinen suradyq.

«Saǵat 15:06-da Almaty aýdanynda tehnologııalyq aqaý boldy, sonyń saldarynan «Myńjyldyq alleıasy» men Táýelsizdik dańǵyly, Qordaı jáne A.Baıtursynov kóshesindegi turǵyndar elektr jaryǵynsyz qaldy. Saǵat 15:32-de jaryq berý rezervtik qýatqa aýystyryldy», - delingen habarlamada. 

Aqparatta aıtylǵandaı, qazirgi ýaqytta jaryqtyń kenetten sónýiniń sebebi anyqtalyp jatyr. 

Eske sala ketsek, qyrkúıekte Astanada 2 jyldan beri jasyryn jumys istegen maınıng fermasy anyqtalǵan edi. Bul týraly Qarjylyq monıtorıng agenttigi habarlady. 

Kúdiktiler 2022 jyldan bastap 2024 jyldyń mamyr aıyna deıin Astana qalasynyń aýmaǵynda aı saıynǵy elektr qýatyn tutynýy megapolıstegi bir turǵyn alabynyń qajettiligimen para-par bolatyn, qozǵaltqyshtardy óńdeý ortalyǵynyń túrinde jasyrylǵan maınıngtik fermanyń qyzmetin uıymdastyrǵan.