Elordanyń Almaty aýdanynda jańa alleıa ashyldy

ASTANA. KAZINFORM — Astanada Jumysshy mamandyqtar jyly aıasynda qala turǵyndarynyń demalysy men serýendeýi úshin abattandyrylǵan jańa alleıa ashyldy, dep habarlaıdy elorda ákimdiginiń resmı saıty.

Jańa alleıa Almaty aýdanynyń Qaırat Rysqulbekov kóshesi boıynda ornalasqan jáne eńbek dınastııalaryna arnalady. Ashylý saltanatyna aýdan ákimdiginiń qyzmetkerleri men jaqyn mańdaǵy úılerdiń turǵyndary qatysty. Jınalǵandardyń aldynda «Elorda» hory men E.Rahmadıev atyndaǵy qalalyq fılarmonııa ártisteri óner kórsetti. Búldirshinder úshin oıyndar, vıktorınalar ótkizilip, anımatorlarmen kóńil kóterý baǵdarlamasy uıymdastyryldy.

Otbasylyq demalysqa jaǵdaı jasaýǵa erekshe kóńil bólingen. Balalarǵa arnalǵan keń oıyn alańyna qaýipsiz tartan jabyndysy tóselip, zamanaýı shaǵyn sáýlettik elementter ornatyldy. Sonymen qatar zamanaýı jáne yńǵaıly oryndyqtar, qoqys konteınerleri qoıylyp, avtoturaq aýmaǵy keńeıtildi, jańa asfalt tóseldi jáne jaryqtandyrý júıesi ornatyldy.

Alleıa boıyna 200-den astam aǵash otyrǵyzyldy.

Aıta keteıik, bıyl elordada shamamen 170 aýla men qoǵamdyq keńistik (gúlzarlar, jelekjoldar, saıabaqtar) abattandyrylýda. Bul jumys barlyq aýdandy, onyń ishinde turǵyn alaptardy qamtıdy. Qazirgi ýaqytta jumystyń basym bóligi aıaqtaldy.

Eske sala keteıik, buǵan deıin Astanada kafe órtenip, 8 páter turǵyndary zardap shekkenin jazǵan edik.