Elordanyń aqyly avtoturaqtarynda mınýttyq tólem engizilmek
ASTANA. KAZINFORM – Elordada shlagbaýmy bar alańdyq tıptegi avtoturaqqa tólem aldyn ala saǵatyna 300 teńge bolmaq. Bul týraly Májilis depýtattarynyń saýalyna Astana qalasynyń ákimi Jeńis Qasymbektiń jaýabynda aıtylǵan.
- Búginge deıin Astana qalasy aýmaǵyndaǵy kommýnaldyq aqyly avtoturaqtardy (parkıngterdi) paıdalaný erejelerine ózgerister men tolyqtyrýlar engizý jobasy ázirlengen. Atalǵan erejelerde mınýttyq tólem qarastyrylǵan jáne usynylǵan ózgerister «Astana turaq keńistigi» JShS-men memlekettik-jeke menshik áriptestik shartyn buzý rásimi aıaqtalǵannan keıin engiziletin bolady, -dedi elorda ákimi.
Onyń atap ótýinshe, statsıonarly foto-vıdeofıksatsııa júıesin engizý ınfraqurylymy múmkindik beretin belgili bir ashyq avtoturaqtarda josparlanyp otyr.
- Qazirgi ýaqytta shlagbaýmy bar alańdyq tıptegi avtoturaqqa aldyn ala saǵatyna 300 teńge, al ashyq tıptegi (kedergisiz) avtoturaqqa saǵatyna 100 teńge tarıfi qarastyrylyp jatyr. Júrgizilgen taldaýǵa sáıkes, jeke menshik avtoturaqtarda saǵattyq aqy 300 teńgeden 5 000 teńgege deıin ózgerip otyrady, - dedi Jeńis Qasymbek.
Buǵan deıin elordanyń Kólik jáne jol-kólik ınfraqurylymyn damytý basqarmasy «Astana turaq keńistigine» qatysty máseleni sheshý jumystary qaı kezeńde ekenine jáne turaq tarıfine qatysty túsinik bergen edi.