Elordanyń 2026 jylǵa bıýdjeti qandaı

ASTANA. KAZINFORM — Astana qalasy máslıhaty kezekten tys otyrysta elorda bıýdjetiniń kiris bóligin 79,4 mlrd teńgege ulǵaıtý týraly naqtylaýdy bekitti. Bul týraly qalalyq Ekonomıkajáne bıýdjettik josparlaý basqarmasynyń basshysy Aıjan Túgelbaeva málim etti.

— Naqtysalyqtyq jáne ózge de túsimderdiń jınalýyna júrgizilgen taldaý negizindejekelegen kirister boıynsha jospardy 79,4 mlrd teńgege, onyń ishinde salyqtarboıynsha 72,6 mlrd teńgege arttyrýdy usynamyz. QQS tóleýshileriniń respýblıkalyqbıýdjetke berilýine, salyq zańnamasyndaǵy jekelegen ózgerister dınamıkasyn, sondaı-aq kútiletin 10 paıyzdyq ósimdi eskere otyryp, salyqtyq túsimder jospary1 trln 91 mlrd teńge kóleminde bekitildi, — dedi Aıjan Túgelbaeva. 

Onyń aıtýynsha, jobaǵa sáıkes elordanyń 2026 jylǵa arnalǵan naqtylanǵan bıýdjeti 1 trln 360 mlrd 833 mln teńgeni quraıdy. 

— Túsimder qurylymy tómendegideı:

— menshikti kirister — 1 trln 193 mlrd 196 mln teńge;

— respýblıkalyq bıýdjetten bólinetin transfertter — 102 mlrd 921 mln teńge; 

— memlekettik baǵaly qaǵazdar shyǵarý — 20 mlrd teńge, — dep tolyqtyrdy spıker.

Sonymen qatar AıjanTúgelbaeva máslıhat komıssııalarynyń otyrystarynda naqtylanǵan bıýdjet jobasy talqylanǵanyn atap ótti. Depýtattardyń usynymdaryn eskere otyryp, jekelegen shyǵys baptary tolyqtyrylyp, áleýmettik mańyzy bar is-sharalardy qarjylandyrý qoldaý tapqan. Kútiletin qosymsha túsimder esebinen kólik, energetıka, turǵyn úı-kommýnaldyq sharýashylyq jáne basqa da salalardaǵy ınfraqurylymdyq jobalardy qarjylandyrý ulǵaıtylmaq.

Aıta keteıik, Almatynyń bıylǵy naqtylanǵan bıýdjeti 2,8 trln teńge boldy.