Elordamyzdyń Nur-Sultan atanýy halyqtyń Elbasyna kórsetken qurmeti - Baqytjan Jumaǵulov
«Ótken mereke kúnderi Almaty qalasynda jáne Almaty oblysynda bolyp, zııaly qaýymmen, ǵalymdarmen jáne ınjenerlermen kezdestim. Sol kezde halyqtyń arasynda júrip, kóp nárseni kókeıge túıdim. Sondyqtan búgin aldaryńyzda estigenimdi emes, kórgenimdi, júregime túıgenimdi aıtqym keledi. Aldymen, biz búgin shyn máninde tarıhı sátti bastan keshirip jatqanymyzǵa nazar aýdarsam deımin. Elbasynyń tarıhı sheshimi men eldiń damý jolyndaǵy tyń ózgerister halyq tarapynan qyzý qoldaý tabýda», - dedi ol.
Senator halyq Elbasy Nursultan Ábishulynyń aınaldyrǵan 30 jyldyń ishinde búkil álem moıyndaǵan, alpaýyt elderdiń ózderi sanasatyn, ekonomıkasy turaqty, saıası áleýeti zor, qýatty memleket qurǵanyn erekshe aıtyp, ózderiniń sheksiz rızashylyqtaryn jetkizip jatqanyn aıtty.
«Qazaqstandyqtar Elbasynyń esimi el tarıhyna altyn árippen jazylatyn tulǵa bolyp qalatynyn da aıtyp, ózderiniń qoldaýlaryn bildirip jatyr. Elbasy Qazaqstandy saıası turaqty, búkil álem tanyǵan jáne qurmetteıtin, zamanaýı, qarqyndy damyp kele jatqan ozyq memleketke aınaldyra bildi. Qazaqstan barlyq ekonomıkalyq kórsetkishter boıynsha Ortalyq Azııanyń kóshbasshysyna aınaldy. Tuńǵysh Prezıdenttiń eren eńbeginiń arqasynda biz álemniń básekege qabiletti 50 eliniń qataryna qosyldyq. Aldymyzda damyǵan 30 eldiń qataryna enýge baǵyttalǵan naqty maqsattar tur», - Senat depýtaty.
Osy rette B.Jumaǵulov elimizdegi ózgerister sheteldik saıasatkerler men sarapshylardyń da nazarynan tys qalmaǵanyn atap ótti. Olar Elbasynyń Qazaqstandy turaqty damý jolyna túsirgenin aıta otyryp, əlemdik qaýymdastyqqa da sińirgen orasan zor eńbegin erekshe mán berip otyrǵandyǵyna nazar aýdartty. Sondyqtan Nursultan Nazarbaev árdaıym Elbasy, ultymyzdyń kóshbasshysy, táýelsiz Qazaqstannyń negizin qalaýshy, el ishinde jáne halyqaralyq arenada zor bedeli bar álemdik deńgeıdegi saıasatker bolyp qala beretindigin aıtty. Tuńǵysh Prezıdentimiz belgilegen strategııalyq jol ári qaraı da jalǵasa beretindigine senim bildirdi.
«XXI ǵasyrda jańa Astanamyzdyń boı kóterýi de Tuńǵysh Prezıdentimizdiń eń basty erlikteriniń biri. Bar-joǵy 20 jylda bas qalamyz Təýelsiz elimizdiń shynaıy bet-beınesine, halqymyzdyń maqtanyshyna aınaldy. Astanamyz, shyn məninde, ótkenniń qundylyqtaryn kórsete otyryp, kúlli əlemge Qazaqstannyń jańa beınesin pash etti. Elbasynyń osyndaı qyrýar eńbekterin el bolyp baǵalap, Parlamenttiń biraýyzdan qabyldaǵan sheshimi negizinde Qazaqstan Prezıdenti Qasym-Jomart Toqaev Astana qalasyn Nur-Sultan dep ataý týraly Jarlyqqa qol qoıdy. Óz basym bul qadamdy halyqtyń Qazaqstannyń Tuńǵysh Prezıdentine kórsetken qurmeti dep bilemin jáne ony tolyǵymen qoldaımyn. Sondaı-aq bul sheshimdi ýaqytyly jáne oryndy qabyldandy dep esepteımin. Dál osyndaı sózdi eldegi zııaly qaýym ókilderi, ǵalymdar men ınjenerler de aıtýda», - dep túıindedi sózin B.Jumaǵulov.
