Elordalyqtyń jaryq pen jylýǵa qaryzy 1,6 mln teńgege jetti
ASTANA. QazAqparat - Astana qalasy Esil aýdanynyń soty «Astanaenergosbyt» JShS aryzymen azamat A.-ǵa qatysty tutynylǵan energııa qaryzyn óndirip alý týraly azamattyq isti qarady.
Sottyń anyqtaýynsha, jaýapker berilgen energııa aqysyn óz ýaqytynda jáne tolyq kólemde tólemegen, saldarynan 1 633 622 teńge qaryz paıda bolǵan, dep habarlady Astana qalalyq soty.
«Elektr enegetıkasy týraly» QR Zańynyń 19-baby, 4-bólimine sáıkes, elektr jáne jylý energııasyn tutynýshylar bekitilgen sharttarǵa sáıkes, berilgen jáne tutynylǵan elektr jáne jylý qýaty úshin aqy tóleýi tıis.
Sot sheshimimen jaýapkerden «Astanaenergosbyt» JShS paıdasyna qaryz somasy óndirildi.
Sheshim áli zańdy kúshine engen joq.
