Elordalyqtarǵa klassıkalyq mýzykanyń álemdik juldyzdary qatysatyn kontsertti tegin kórý múmkindigi bar
ASTANA. 12 maýsym. QazAqparat - Astanalyqtar Darıǵa Nazarbaeva, «Kvatro» toby, Aıman Musaqojaeva jáne álemdik klassıkalyq mýzyka juldyzdary qatysatyn «Astana keshteri» ІІ halyqaralyq óner festıvalin tegin tamashalaı alady, dep habarlaıdy Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń Medıatoby.
«Astana keshteri» ІІ halyqaralyq óner festıvali Beıbitshilik pen kelisim saraıynda 27-29 maýsym kúnderi ótedi. Festıval «Degdar» MQ Qamqorshylyq Keńesiniń Tóraıymy Darıǵa Nazarbaevanyń bastamasy jáne qoldaýymen ótkizilýde. Joba aıasynda Reseı men Qazaqstannyń tanymal oryndaýshylary óner kórsetetin 3 kontsert beriledi.
«Bul kommertsııalyq emes, qaıyrymdylyq jobasy bolyp tabylady. Sondyqtan barlyq bıletter tegin taratylyp, shaqyrý bıletterin Beıbitshilik jáne kelisim saraıynyń kassasynan alýǵa bolady. Festıvaldi uıymdastyrýshylar halyqtyń barlyq áleýmettik toptaryna joǵary ónerden sýsyndaý maqsatyn qoıyp otyr»,- dep habarlaıdy medıatop.
Festıval aıasynda Darıǵa Nazarbaevanyń qatysýymen «Kvatro» (Reseı) toby «Astana» estradalyq-sımfonııalyq orkestriniń súımeldeýimen óner kórsetedi. Dırıjeri - Qazaqstannyń Eńbek sińirgen qaıratkeri Aleksandr Belıakov. Sonymen qatar sahnaǵa jobanyń turaqty qatysýshylary «Mádenıet» telearnasynda «Romans romantıkasy» - «Peterbýrg romansy» qorynyń tóraıymy Galına Kovzel, Reseıdiń eńbek sińirgen ártisteri, Marıın teatrynyń ánshileri Vladımır Samsonov, Evgenıı Akımov, Irına Mataeva, Elena Býlanovanyń aspaptar ansambli, klassıkalyq mýzykanyń has sheberi, Qazaqstannyń halyq ártisi Aıman Musaqojaeva (skrıpka), QR Eńbek sińirgen ártisi Tımýr Ýrmancheev (fortepıano), halyqaralyq baıqaýlardyń laýreaty Denıs Shapovalov (vıolonchel, Reseı), «Solıster akademııasy» Memlekettik kameralyq orkestri, dırıjeri - Evgenıı Býshkov (Reseı) shyǵady.
Barlyq kontsertterdi Reseıdiń halyq ártisi Svıatoslav Belza júrgizedi.
