Elordalyqtarǵa gazǵa qosylý qunyn tómendetý úshin ne istelip jatyr
«Astana qalasynda gaz taratý jelileriniń qurylysy úsh kezekke bólingen. 2021 jyly 1-shi kezektiń qurylysy, sondaı-aq ishinara gazdandyrýdyń 2-shi kezegi boıynsha jumystar aıaqtaldy. Jumystyń qalǵan 2 jáne 3-kezekteri boıynsha respýblıkalyq jáne jergilikti bıýdjetter esebinen 2022-2024 jyldarǵa josparlanǵan», - dedi ol qalalyq kommýnıkatsııalar qyzmetindegi brıfıngte.
Onyń dereginshe, búgingi tańda Kóktal-1 jáne 2, Agroqalashyq, «Jeleznodorojnyı», Promyshlennyı, Ońtústik-Shyǵys oń jáne sol jaqtary, Kúıgenjar, Mıchýrıno, Internatsıonalnyı turǵyn alaptarynda, sondaı-aq Potanın – Máskeý kóshesi, «Nur-Besik», «Aqbıdaı», «Qazaq aýyly» shaǵyn aýdandarynda tutynýshylardy qosý tolyq qamtamasyz etilgen.
«Gazǵa 200 myńǵa jýyq turǵyny bar 12 myń abonent qol jetkizdi. 8 429 jeke jeke turǵyn úı, 1 gazoblokty buıymdar shyǵaratyn zaýyt, sondaı-aq 8 kóppáterli turǵyn úı kesheni gazǵa qosyldy», - dedi Maqsat Esmaǵulov.
Bólim basshysynyń atap ótýinshe, gaz jelilerine qosylý qunyn tómendetý maqsatynda ákimdik quny 100-den 160 myń teńgege deıin bolatyn halyqqa esepke alý aspaptaryn tegin beredi.
Munan bólek, Halyq bankimen birlesip, 18 aıǵa deıin bólip tóleýmen 750 myń somada halyqqa paıyzsyz kredıt berý baǵdarlamasy iske qosylǵan.
Sonymen qatar halyqtyń áleýmettik osal toptary úshin (jasy boıynsha zeınetkerler; múgedekter, múgedek balalar; - kópbalaly analar men kópbalaly otbasylar) úıdi gazǵa qosý boıynsha 130 AEK nemese 448 500 teńge mólsherinde ótemaqy tólenedi.
«Sondaı-aq JEO-1-de jáne JEO-2-de 16 qazandyq gazǵa aýystyryldy. 17 áleýmettik nysan qosylǵan. Qalǵan 3 áleýmettik obekt boıynsha iske qosý-retteý jumystary júrgizilýde. Búgingi tańda qala boıynsha 9 067 tehnıkalyq shart berilip, 20 myńnan astam adamǵa keńes berildi. Bul baǵyttaǵy jumys jalǵasýda», - dedi ol.
