Elordalyqtarǵa erekshe koreı taǵamdary tanystyryldy
NUR-SULTAN. QazAqparat – Koreı Respýblıkasy Elshiligi elordada «Koreı taǵamdarynyń keshin» ótkizdi, dep habarlaıdy QazAqpara tilshisi.
Kesh qonaqtaryna Choson áýleti kezeńinde daıyndalǵan korol dastarhanynyń taǵamdary tanystyryldy.
Sharaǵa 50-ge jýyq adam qatysty. Naqtyraq aıtsaq, Shvetsııa, Japonııa, Italııa sııaqty 17 eldiń elshileri, sondaı-aq dıplomatııalyq delegatsııa ókilderi qatysty. Qonaqtar nazaryna dástúrli koreı mýzykalyq aspaptary men dástúrli toı kıimderiniń kórmesi de usynyldy.
Sharanyń shymyldyǵyn ashqan Koreıa Respýblıkasynyń Elshisi Ký Hon Sok quttyqtaý sózinde koreı taǵamdaryn ázirlep, ony ilgeriletýge kómektesken qurmetti qonaqtar men bas aspazdarǵa alǵys bildirdi.
«Men Koreıadan naǵyz korol ashanasyn tanystyrý úshin kelgen bas aspaz Han Hen Dokqa erekshe rızamyn. Osyndaı baǵa jetpes yntymaqqa múmkindik bergen qazaqstandyq aspazdarǵa alǵysymyz sheksiz.
Búkil álemde koreı mádenıetiniń ártúrli formalaryna qyzyǵýshylyq únemi artyp keledi. BTS, K-Dramas, Squid Game jáne Parasite sııaqty kreatıvtik ónimder men K-POP ártisteriniń arqasynda siz koreı halqynyń mádenıeti kereń tarap jatqanyn maqtan etemiz», - dedi Koreı elshisi.
Shara sońynda qonaqtar arasynda koreı taǵamdary boıynsha vıktorına ótkizildi.
