Elordalyqtardyń qan qysymy tekseriledi
ASTANA. 17 mamyr. QazAqparat - Búgin Astanada halyq kóp shoǵyrlanǵan jerlerde qala turǵyndary men qonaqtarynyń qan qysymyn ólsheý aktsııasy ótkiziledi.
Bul týraly astana.kz saıtyna qalalyq Densaýlyq saqtaý basqarmasy men Astana qalasynyń salaýatty ómir saltyn qalyptastyrý ortalyǵynan málim etti.
«2013 jyldyń 17 mamyrynda 10.00-den 16.00-ge deıin Arterıaldyq gıpertonııamen kúrestiń dúnıejúzilik kúni aıasynda adamdar kóp jınalǵan jerlerde (bıznes-ortalyqtar, halyqqa qyzmet kórsetý ortalyqtary) medıtsına qyzmetkerleri men volonterler qan qysymyn ólsheıdi»,- dep túsindirdi astana.kz saıtyna uıymdastyrýshylar.
Arterıaldyq gıpertonııamen kúrestiń dúnıejúzilik kúnin ótkizýdegi maqsat - joǵary qan qysymyna jáne zardaptaryna qatysty, ony asqyndyrmaı emdeýdi kózdeıtin múmkindikterge baılanysty halyqty habardar etý bolyp tabylady. Sonymen qatar, ár adamdy ózin-ózi baqylaýǵa alyp, qan qysymyn únemi ólsheýge daǵdylandyrýdy, emdelýge, salaýatty ómir saltyn ustap, aınalasyndaǵylarǵa jaǵymdy ahýal qalyptastyrýǵa múmkindik týǵyzýdy kózdeıdi.
