Elordalyqtardyń «Astana sý arnasy» MKK aldyndaǵy bereshekteri 180 mıllıon teńgeni qurady
Belgili bolǵandaı, 1 naýryzǵa deıin sý-kárizdik qyzmetter úshin jalpy debıtorlyq bereshek 184,0 mıllıon teńgeni quraıdy. Sonyń ishinde jeke tulǵalar - 67,1 mıllıon teńge, qalanyń kásiporyndary men uıymdary - 116, 7 mıllıon teńge, bıýdjettik uıymdar - 209,0 myń teńge kóleminde bereshek bolyp otyr.
Kommýnaldyq brıgadalar aldyn ala eskertkennen keıin 3 aıdan astam qaryzy bar azamattardy sýmen qamsyzdandyrýdyń ortalyq júıesinen ajyratady. Aǵymdaǵy jyldyń basynan bastap jeke tulǵalarǵa bereshek somasy 55,8 mıllıon teńgeni quraıtyn 5068 eskertý taratyldy. Zańdy tulǵalarǵa bereshek somasy 1,1 mıllıon teńgeni quraıtyn 15 eskertý taratyldy, onyń 1,0 mıllıon teńgesi tólendi.
«Bereshekterdi tólep bolǵannan keıin tutynýshylarǵa tolyq kólemde «Astana sý arnasy» MKK qyzmet kórsetýin jalǵastyrady. Boryshkerlerdiń úlken kólemdegi sanyn eskere otyryp, debıtorlardy sýmen qamtamasyzdandyrý jáne kárizdendirý júıesinen ajyratý boıynsha qosymsha brıgadalar quryldy»,-delingen atalǵan mákemeniń málimetinde.
Jeke tulǵalar boıynsha bereshek somasy 996 myń teńgeni quraıtyn 56 páter kárizdendirý júıesinen ajyratyldy, olardyń ishinde bereshegi 492 myń teńgeni quraıtyn 43 páter tóledi. Zańdy tulǵalar boıynsha bereshekteri 26,3 mıllıon teńgeni quraıtyn 88 uıym ajyratylyp, ondaǵy somasy 5,3 mıllıon teńge quraıtyn 48 uıym qaryzyn ótedi.
