Elordalyqtar jolaqyny bank kartalarymen tóleı alady
NUR-SULTAN. QazAqparat – Astana LRT qoǵamdyq kólikterdegi jolaqyny Visa bank kartalary arqyly tóleý múmkindigin engizdi, dep habarlaıdy QazAqparat.
«Biz 20-baǵdarda jolaqysyn Visa bank kartalary arqyly tóleý múmkindigin engizdik. Bul astanalyq qoǵamdyq kóliktiń turaqty paıdalanýshylary úshin ǵana emes, sonymen birge Qazaqstan óńirlerinen jáne shet elderden kelgen qonaqtar úshin de qolaıly, óıtkeni kólik kartasyn satyp alý qajettiligin boldyrmaıdy, týrısterge olar úshin ádettegi halyqaralyq kartalardyń kómegimen tóleý múmkindigin beredi», - delingen kompanııanyń facebook-tegi paraqshasynda.
Atalǵan joba ázirge testilik rejımde iske asyryldy jáne qoǵamdyq kóliktiń №20 qalalyq baǵdarynda jumys isteıtin bolady.
«Bank kartasymen tóleý kezindegi sapardyń quny qolma-qol aqshasyz tóleýdiń basqa tásilderi kezdegideı – 90 teńgeni quraıdy. Komıssııa alynbaıdy. Alaıda Visa kartasyn paıdalanýshylar úshin aktsııa bastaldy. Bank kartasymen tólegen kezde bir sapardyń quny nebári 45 teńgeni quraıtyn bolady», - deıdi Astana LRT.
