Elordalyqtar jıi aýyratyn boldy
ASTANA. 12 sáýir. QazAqparat - Elorda turǵyndary jıi naýqastana bastady.
Bul aqparatty Respýblıkalyq densaýlyq saqtaýdy damytý ortalyǵy taratyp otyr.
Ortalyqtyń alǵa tartqan derekterine sáıkes, 2012 jyldyń birinshi toqsanynda ótken jyldyń sáıkes kezeńimen salystyrǵanda aýrýǵa shaldyǵý 11,3 paıyzǵa ósken. Bul rette elorda turǵyndary júrek aýrýymen dárigerlerdiń kómegine kóp júginýde.
Medıtsına qyzmetine júgingen naýqastardyń 55 paıyzy qan aınalymy júıesine, 40 paıyzy ıshımııalyq júrek aýrýyna shaǵymdanýda. Sonymen qatar gıpertonııaǵa shaldyqqandardyń da sany 2 esege kóbeıgen.
Dárigerler áleýmettik mańyzy bar birqatar aýrý túrleriniń tómendeý úrdisiniń de baıqalyp otyrǵandyǵyn atap ótken. Atap aıtqanda, elordalyqtardyń qant dıabetine shaldyǵýy 8,1, týberkýlezge shaldyǵý 22 paıyzǵa tómendegen.
