Elordalyqtar uly Abaıǵa arnalǵan jańa chellendj bastady
Abaı ánin birinshi bolyp túrli salada qyzmet etetin mamandar oryndady, olar - dárigerler, avtobýs júrgizýshileri, polıtseıler, qutqarýshylar, muǵalimder, etnomádenı birlestikterdiń ókilderi, sondaı-aq volonterler.
Olarǵa qazaqstandyq estrada juldyzdary Maıra Іlııasova, Qydyráli Bolmanov, Aıgúl Imanbaeva, Qaırat Baekenov qoldaý bildirdi. Barlyǵy súıip tyńdaıtyn, halyqtyń qulaǵynda jattalyp qalǵan «Kózimniń qarasy» áni jańasha shyrqaldy. Turǵyndar kompozıtsııany shyrqap qana qoımaı, ony túrli aspaptarda da oryndady.
Mýzykalyq chellendjge qatysýshylar qazaq dalasynyń uly esimderin birge qoldaýǵa jáne bastamaǵa qatysýǵa shaqyrdy.
«Abaıdyń 175 jyldyǵyna arnalǵan chellendjdi barsha qazaqstandyqtarǵa joldaımyz. Biz birgemiz», – deıdi eriktiler.
Eske sala keteıik, 30 mamyrda Memleket basshysy Qasym-Jomart Toqaev Abaıdyń týǵanyna 175 jyl tolýyn atap ótý týraly Jarlyqqa qol qoıdy. Sondaı-aq Qazaqstanda 10 tamyz – Abaı kúni merekesi bolyp bekitildi.
