Elordalyqtar «sporttyq ýıkendke» qatysty
NUR-SULTAN. QazAqparat - QR Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵy elordalyqtar men qala qonaqtary úshin «sporttyq ýıkend» uıymdastyrdy, dep habarlaıdy QazAqparat tilshisi.
Іs-shara barysynda mamandar turǵyndarǵa saýyqtyrý jattyǵýlary boıynsha sheberlik sabaǵyn ótkizdi.
«Fıtnes-nusqaýshy Muhammed Baıakov pen kıkboksıngten sport sheberine kandıdat Nursultan Seıilhanuly sharaǵa arnaıy shaqyryldy. Olar «Mega Silkway» saýda, oıyn-saýyq ortalyǵyna kelgen jurtqa úı jaǵdaıynda jáne jumystaǵy úzilis ýaqytynda jasaýǵa bolatyn tıimdi jattyǵý túrlerin kórsetti», - delingen ulttyq ortalyqtyń baspasóz qyzmeti taratqan málimette.
Sonymen qatar, saýda, oıyn-saýyq ortalyǵyna kelýshiler halyqaralyq deńgeıdegi jattyqtyrýshy Madına Beısekeeva jetekshilik etetin MB Dance stýdııasynyń bı baǵdarlamasyna qatysyp, vog, hıp-hop horeo, papıng, djaz fank, breık-dans, denshol jáne taǵy da basqa bı túrlerine beıimdikterin synady.
