Elordalyqtar «sózden iske kóshti»
Aktsııany QR DSM Qoǵamdyq densaýlyq saqtaý ulttyq ortalyǵy, DDU, Nur-Sultan qalasynyń ákimdigi, Qoǵamdyq densaýlyq saqtaý basqarmasy, Salaýatty ómir saltyn qalyptastyrý ortalyǵy jáne Qoǵamdyq densaýlyq saqtaý joǵary mektebi uıymdastyryp otyr. Aktsııanyń maqsaty - densaýlyq qundylyqtaryn nasıhattaý, qoǵamdyq densaýlyqty qorǵaý boıynsha barlyq múddeli taraptardyń kúshterin biriktirý, densaýlyqty nyǵaıtý maqsatynda Jahandyq qozǵalysty qoldaý, ómir boıy dene belsendiliginiń deńgeıin saqtaý.
«2019 jylǵy 12-17 mamyr aralyǵynda Dúnıejúzilik densaýlyq saqtaý uıymyna múshe 135 eldiń bárinde osyndaı «Sózden iske» aktsııasy uıymdastyrylyp jatyr. Aktsııa aıasynda 3 jáne 5 shaqyrymǵa júgirý, fın tásilimen júrý sekildi saıystar ótkiziledi. Bizdiń estrada juldyzdary densaýlyq ókili retine shaqyrylyp, jankúıerlerine úlgi kórsetip otyr. Jas, jynys erekshelikterine, turǵylyqty jerine qaramastan, biz barshaǵa arnalǵan densaýlyqqa qol jetkizý úshin kúsh-jigerimizdi jumsaımyz dep aıtqym keledi. Densaýlyqty saqtaý sharasy eń aldymen árqaısysymyzdan bastalýy qajet», - deıdi QR Densaýlyq saqtaý vıtse-mınıstri Oljas Ábishev.
Vıtse-mınıstr óz sózinde Medıtsına qyzmetkerleri kúni qarsańynda óz áriptesterin densaýlyqty saqtaýǵa jaqtas adamdardyń qataryn barynsha arttyra otyryp, «Densaýlyqqa aparatyn jol ózimizden bastalady» estafetasyn óńirlerdi jalǵastyrýǵa shaqyrdy.
Sózden iske kóshe otyryp, qatysýshylar 3 jáne 5 shaqyrym qashyqtyqqa júgirýge, sondaı-aq Skandınavııa júrisine qatysý arqyly dene belsendiligine beıim ekenin kórsetip baǵýda. Baǵdar boıynda tómendegideı stansalar uıymdastyryldy:
- sý stansasy (barlyq qatysýshylarǵa sý taratyldy);
- shuǵyl kómek stansasy - densaýlyqqa salǵyrt qaramaı, aýa-raıyna sáıkes kıimmen sportpen shuǵyldaný;
- ómirlik mańyzdy kórsetkishterdi ólsheý - dárigerdiń keńesterin saqtaý jáne sportpen aınalysý kezinde aǵymdaǵy densaýlyq jaǵdaıyn esepke alý.
Aıta ketsek, Medıtsınalyq-sanıtarııalyq alǵashqy kómek boıynsha Jahandyq konferentsııa byltyr elordada ótken bolatyn.
