Elordalyqtar shuǵyl sheshýdi qajet etetin túıtkilderge daýys berip jatyr
NUR-SULTAN. QazAqparat - Elorda ákiminiń orynbasary Asqar Amrın Facebook-tegi jeke paraqshasynda elorda turǵyndaryna úndeý tastap, «Qalalyq damý akseleratory» bastamasyna qatysýǵa shaqyrdy, dep habarlaıdy QazAqparat.
«Ózderińiz biletindeı, Nur-Sultan qalasynyń ákimdigi Qalalyq damý akseleratorynyń iske qosylatyny jóninde jarııalady. Meniń quziretime onyń jumysyn úılestirý kiredi», - deıdi ákim orynbasary.
Qalalyq akseleratordyń basty qaǵıdalary: qala turǵyndary men elordanyń kásibı qaýymdastyqtaryn jumyldyrý; sheshimderdi artyq bıýrokratııasyz iske asyrý múmkindigi; qalanyń ózekti túıtkilderiniń erekshe sheshimderi; az shyǵyndalyp, 100 kún ishinde eleýli nátıjege qol jetkizý.
«Qalamyzdyń taǵdyry men bolashaǵyna beı-jaı qaramaıtyn elordanyń barlyq turǵyndaryna úndeý tastaımyn: bizdiń qalamyz - bizdiń úıimiz! Elordanyń janashyr turǵyndary men qonaqtaryn, sonymen qatar kásibı qaýymdastyqtardy kúsh biriktirip, qalamyzdy ózgertý, jaqsartý jáne kórkeıtý úshin #100daychallenge úndeýine qosylýǵa shaqyramyn. Barlyq bastamalar men erekshe tásilder nazarǵa alynady. Biz sizderdiń ıdeıalaryńyzdy tyńdap qana qoımaı, birinshi kezekte ózimiz jaqsy jaǵyna ózgerip, túpki nátıjege qol jetkizý úshin jańa betalysqa ilesýge daıynbyz. Sondyqtan Qalalyq akseleratordy» iske qosýdyń birinshi kezeńinde 10 túıtkildi máseleni sheship, iske asyrý úshin sizden onlaın daýys berýge (silteme https://docs.google.com/.../1FAIpQLSfchqLH-61J8vVt-F.../viewform) qatysýdy suraımyz», - dedi A.Amrın.
Onyń aıtýynsha, turǵyndardan kúndelikti kelip túsetin shaǵym-ótinishterdiń negizinde iKOMEK109 (Astana 109) ortalyǵy qalanyń 48 júıeli túıtkilin anyqtady. Osy oraıda, «Qalalyq akseleratordy» iske qosýdyń birinshi kezeńi aıasynda jyldam sheshýdi talap etetin 20 júıeli túıtkil belgilendi. Elordalyqtar daýys berý arqyly onyń arasynan 10 máseleni tańdap alýy tıis: qańǵybas janýarlar máselesi; ashyq qalǵan elektr ótkizgishterdi joıý; polıtsııa men jekemenshik kúzet uıymdary arasynda «qaýipti tulǵalar týraly» biryńǵaı derekqordyń joqtyǵy; qoǵamdyq qaýipsizdik turǵysynan qalalyq ortaǵa qoıylatyn biryńǵaı talaptardyń jáne qaýipsizdiń ınfraqurylymynyń ozyq damýy boıynsha josparlardyń joqtyǵy; qudyq qaqpaqtarynyń joqtyǵy; órtke qarsy qyzmetterdiń qoldanystaǵy ınfraqurylymyn tekserýi (depo, tehnıka, gıdranttar); qylmystardy boljaý jáne áleýetti qaýipti tulǵalardy anyqtaýdyń baǵdarlamalyq keshenderin damytý; medpersonaldyń biliksizdigi; medıtsınalyq mekemelerdegi kezekter; personaldy tıimsiz bólý esebinen MSAK-taǵy kadrlyq tapshylyq; qar/muzdaqtardy ýaqytynda jınamaý, PIK-tiń josyqsyz jumysy; abattandyrylǵan avtobýs aıaldamalarynyń jetispeýshiligi; masalardy joıý; kóshelerdi sý basýy; mektep/mektepke deıingi mekemeler qyzmetkerleriniń qanaǵattanarlyqsyz jumysy; balabaqsha kezegi (aıqyn emes); suıyq turmystyq qaldyqtardy ruqsatsyz tógý; gazdy durys paıdalanbaý (gaz ballondardy zańsyz/zańdy paıdalaný, turǵyn úılerdegi gaz ıisi); kógaldandyrýǵa jumsalatyn shyǵyndy qysqarta otyryp, qalalyq alaptardy kógaldandyrý; is-sharalardyń azdyǵy.
