Elordalyqtar Shavkat Rahmonovqa shapan jaýyp, at mingizdi

ASTANA. QazAqparat – Astanada jeńilip kórmegen aralas jekpe-jek sheberi Shavkat Rahmonovqa qurmet kórsetilip, laıyqty syı-sııapat jasaldy, dep habarlaıdy QazAqparat tilshisi.

Otandyq sportshyǵa at mingizý sátiniń vıdeosy Instagram jelisinde tarady.

Vıdeodan baıqaǵandaı, Shavkat Rahmonovqa jurtshylyq shapan jaýyp, at mingizip, qurmet kórsetip jatyr.

Sondaı-aq, beınejazba astynda Shavkat Rahmonovtqa atalǵan syıdy metsenat, Astana qalasy boıynsha at sporty federatsııasynyń prezıdenti Álibek Muqataevtyń jasaǵany aıtylǵan.

«Ózim sportpen aınalysamyn jáne sportshylardy jaqsy túsinemin. Óskeleń urpaqtyń sportpen shuǵyldanýyna jáne úlgi tutý maqsatynda Shavkatqa jylqy syıǵa tartýdy uıǵardym. Áleýmettik medıanyń kúshin bilesiz, buny kórgen jastar oılanady, túrtki bolady, dem beredi. Shavkat Rahmonovtan bólek, buǵan deıin boksshy Sáken Bıbosynov jáne basqa da sportshylarǵa at mingizdim. Sportshy jigitterimizdi únemi qoldaýǵa tyrysamyn», - deıdi metsenat Álibek Muqataev.

Esterińizge sala keteıik, 5 naýryz kúni Las-Vegasta (Nevada shtaty, AQSh) ótken UFC 285 týrnırinde Shavkat Rahmonov amerıkalyq Djeff Nıldi (15-5) býyndyrý tásilimen jeńgen bolatyn.

Kúni keshe Shavkat Rahmonovty Memleket basshysy Qasym-Jomart Toqaev qabyldady.