Elordalyqtar Pfizer vaktsınasyn qaı jerde saldyra alady
Qalalyq densaýlyq saqtaý basqarmasynyń habarlaýynsha, elordada Pfizer vaktsınasy medınalyq uıymdar men Abu Dhabi Plaza saýda jáne oıyn-saýyq ortalyǵyndaǵy ekpe egý beketinde qoljetimdi.
Sondaı-aq, atalǵan mekeme vaktsınatsııa modýline Pfizer vaktsınasy boıynsha tıisti ózgerister engizilip jatqanyna nazar aýdaryp, patsıenttiń derekterin sandyq bazaǵa, ıaǵnı elektrondy túrde engizý áli múmkin emes ekenin habarlady.
Bul jumys biraz ýaqyt qaǵaz júzinde júrgiziledi.
Vedomstvo barlyq derekterdi toltyrý boıynsha medıtsına qyzmetkerleriniń jumysyna túsinistikpen qaraýdy suraıdy.
Shetelge shyǵatyn adamdarǵa rastaıtyn qujattar usynylǵan kezde KVI-ǵa qarsy vaktsınatsııalaýdyń tolyq kýrsyn qaıtadan júrgizýge jol beriledi.
Bul rette vaktsınany tańdaý saparǵa shyǵý josparlanǵan eldiń talaptaryna baılanysty júrgiziledi.
KVI-ǵa qarsy sońǵy ekpe men KVI-ǵa qarsy vaktsınatsııanyń qaıtalama tolyq kýrsy arasyndaǵy aralyq keminde 3 aı dep usynylady.
Eger dozalar arasyndaǵy aralyq 3 aıdan aspaǵan bolsa, alynǵan revaktsınatsııany vaktsınatsııalaýdyń tolyq kýrsyn qaıta júrgizý kezinde vaktsınanyń birinshi dozasy retinde esepke alynady.
Mamandar qaıta vaktsınatsııalaý eki komponentti birdeı qabyldap tolyq ımmýnadaýdan ótýdi qarastyrady, al revaktsınatsııa – bireýin ǵana qabyldaý dep túsindiredi.
Qalalyq qoǵamdyq densaýlyq saqtaý basqarmasynyń málimetinshe, bul úshin elordada amerıkandyq preparattyń vaktsınalary jetkilikti - 1 jáne 2 komponentti 166 myń myńnan astam doza.
Sondaı-aq, Sinopharm Verocel, Qazvac vaktsınalary qala turǵyndary úshin qoljetimdi.
