Elordalyqtar óz esimderi jazylǵan kóshe oryndyqtaryn ornatyp jatyr
NUR-SULTAN. QazAqparat - Nur-Sultan qalasynyń turǵyndary jeke qarajattary esebinen óz esimderi jazylǵan kóshe oryndyqtaryn ornatyp jatyr, dep habarlaıdy QazAqparat elorda ákimdigine silteme jasap.
Málim bolǵandaı, oryndyqtardy syılyq retinde de ornatýǵa bolady.
Saryarqa aýdany ákimdiginiń Facebook-tegi resmı paraqshasynda habarlanǵandaı, Nur-Sultanda ıesi jazylǵan oryndyqtardy ornatý jobasy áli de jalǵasady.
«Qalanyń kez kelgen turǵyny nemese uıymy ataýly taqtaıshasy bar demalýǵa arnalǵan oryndyqty ornatý múmkindigine ıe. Saryarqa aýdanynyń ákimdigi sizderge jaǵajaı, saıabaqtar jáne aýdan kóshelerinen oryn usyna alady», - delingen habarlamada.
Joba kýratory, Saryarqa aýdany ákimi apparatynyń kommýnaldyq sharýashylyq bóliminiń basshysy Jasulan Baǵısov atap ótkendeı, búginde aýdan aýmaǵynda segiz myńǵa jýyq ataýly oryndyq bar. Olardy uıymdar men jeke tulǵalar ornatqan. Mundaı otyrǵyshtardy bireýler - qalaǵa, taǵy bireýler dosynyń týǵan kúnine syılaýda. Osyndaı ádispen ǵashyqtyq sezimin bildirip jatqandar da bar eken.
