Elordalyqtar Olımpıadaǵa attanǵan sportshylarǵa qoldaý bildirdi

NUR-SULTAN. QazAqparat - Elordalyqtar Beıjińge attanǵan Qazaqstannyń Olımpıadalyq quramasyna qoldaý kórsetýde. Jas sportshylardan bastap, álem tanyǵan tulǵalarǵa deıin jyly lebizin bildirdi, dep habarlaıdy QazAqparat qala ákimdiginiń resmı saıtyna silteme jasap.

Tórtkil dúnıe kóz tikken aq Olımpıadanyń bastalýyna sanaýly kúnder qaldy. El quramasynyń sańlaqtary qazir Olımpıada qalashyǵynda jarys aldyndaǵy jattyǵýyn pysyqtap jatyr. Ulttyq qurama músheleri buǵan deıingi joldama úshin bolǵan saıystarda úzdikter kóshin bastady. El senimin arqalaǵan otandastarymyz Olımpıada oıyndarynda joǵary nátıje kórsetip, jeńis tuǵyrynan kórinedi dep senemiz.

«Aq Olımpıadanyń bastalýyna sanaýly kúnder qaldy. Lıtsenzııa utyp alǵan sportshylarymyzdyń bárin quttyqtaǵym keledi. Olımpıadashylarǵa endi bastaǵan isin sońyna deıin jetkizip, jeńis tuǵyrynan kóriný ǵana qaldy. Biz sizderge senim artamyz. Aldaǵy synda tek jeńis tileımiz», – dedi aýyr atletıkadan álem chempıony Ilıa Ilın.

XXIV qysqy Olımpıada qazaq sportynyń tarıhynda altyn árippen jazylary sózsiz.

Alty qurlyq aldyna aıbynymyz asqaq, abyroıymyz bıik bolǵaı! Sportshylarǵa sáttilik tileımiz! Alǵa Qazaqstan!