Elordalyqtar maska taǵýǵa mán bermeı otyr – mınıstr

NUR-SULTAN. QazAqparat – Búgin Úkimet otyrysynda Densaýlyq saqtaý mınıstri Ajar Ǵınııat bıznes ókilderin KVI-diń taralmaýyna jol bermes úshin talaptardy oryndaýǵa shaqyrdy, dep habarlaıdy QazAqparat tilshisi.

Mınıstr shilde aıynda elimizde epıdemıologııalyq jaǵdaıdy baǵalaý matrıtsasy qaıta qaralǵanyn aıta kele, aımaqtar boıynsha shekteý sharalaryda qaıta qaralǵanyn jáne ony Vedomstvoaralyq komıssııa maquldaǵanyn eske saldy.

«Máselen, «jasyl» jáne «sary» aımaqtarda shekteý sharalary bıznes obektileriniń qyzmetin shektemeı, ınfektsııa kózin oqshaýlaýǵa baǵyttalǵan. ıAǵnı nıasandarda sanıtarlyq-dezınfektsııalyq tártipti kúsheıtýge, qoǵamdyq oryndarda, qoǵamdyq kólikte medıtsınalyq maskany qoldanýǵa keńes berilgen», - dedi A. Ǵınııat.

Osy oraıda ol shekteý sharalaryn engizý bıznestiń jáne halyqtyń profılaktıkalyq sharalardy ustaný jaǵdaıyna baılanysty bolatynyn aıtty.

«Alaıda, «sary» aımaqtaǵy Nur-Sultan qalasynda úı-jaılarda kóp adam qatysatyn kópshilik is-sharalar júrgiziledi jáne medıtsınalyq maska taǵý ári áleýmettik qashyqtyq talaptary saqtalmaıdy. Bul elordada ınfektsııanyń odan ári taralýyna alyp kelip otyr. Epıdemıologııalyq jaǵdaıdy turaqtandyrý jáne bıznestiń shekteýsiz jumys isteýin qamtamasyz etý úshin nysandarda sanıtarlyq-dezınfektsııa rejımin saqtaýdy, sondaı-aq halyqtyń qyzmetter alý kezindegi qaýipsizdigine nazar aýdarýdy taǵy da eske salamyz», - dedi mınıstr.

Budan buryn habarlanǵandaı, «qyzyl» aımaqta shekteý sharalary densaýlyq saqtaý júıesiniń júktemesine baılanysty eki kezeńmen qabyldanady.