Elordalyqtar Qysqy Azııa oıyndarynda el namysyn qorǵaıtyn qazaqstandyq ulttyq quramalardyń sportshylaryn qarsy aldy

Bul týraly Oıyndardy uıymdastyrý jónindegi elordalyq dırektsııadan málim etti.

Baıraqty básekede el namysyn qorǵaıtyn otandyq sportshylardy qarsy alý is-sharasy «Mádenı Azıada» aıasynda «Dýman» oıyn-saýyq kesheniniń aldynda salynǵan alyp muz qalashyǵynda ótti.

Sportshylardy «7-Qysqy Azııa oıyndarynyń atqarýshy dırektsııasy» AQ-nyń prezıdenti Anatóli Qulnazarov pen qala ákiminiń orynbasary Aıda Balaeva qarsy aldy.

Olımpıada qozǵalysynyń dástúrine sáıkes, Oıyndar árbir el úshin «Qarsy alý» sharasynan bastalady. Onyń barysynda qatysýshy ár eldiń ánurany shyrqalyp, memlekettik baıraǵy kókke kóteriledi. Biraq Qazaqstannyń beıbit aspanynda Azııa Olımpıadalyq keńesine kiretin barlyq 45 eldiń týy jelbiredi.

Osy kúnnen bastap sondaı-aq, belgili qytaılyq kompanııa turǵyzǵan etno-úlgidegi alyp muz qalashyǵy kelýshiler úshin esigin aıqara ashyp, Azııa oıyndarynyń qarsańynda ázirlengen mádenı is-sharalar resmı túrde bastaý aldy.