Elordalyqtar kúıshi Qarshyǵa Ahmedııarovty eske alady
ASTANA. 25 mamyr. QazAqparat - Erteń, 26 mamyr kúni elordadaǵy Qazaq ulttyq óner ýnıversıtetinde halqymyzdyń súıikti kúıshisi bolǵan erekshe daryn ıesi Qarshyǵa Ahmedııarovty eske alýǵa arnalǵan kesh ótedi.
Osy keshte kúıshi shyǵarmalaryn dombyrashy Aqbota Turymbetova oryndaıdy.
Aıta ketý kerek, Qarshyǵa Ahmedııaruly 1946 jylǵy 25 naýryzda qazirgi Atyraý oblysy, Mahambet aýdany, Tańdaı aýylynda dúnıege kelgen. 1972 jyly Almaty memlekettik konservatorııasynyń halyq aspaptar fakýltetin bitirgen. 1986-1988 jyldarda Máskeý qalasynda Joǵary dırıjerlik kýrsta oqyǵan. Týǵan halqyna óshpes mura qaldyrǵan daryn ıesi.
Qazaqstannyń halyq ártisi, Memlekettik syılyqtyń laýreaty, dáýlesker kúıshi-dombyrashy, talantty kompozıtor Qarshyǵa (Qarshymbaı) Ahmedııarov ótken jyly maýsym aıynda 65 jasqa qaraǵan shaǵynda dúnıe saldy.
