Elordalyqtar Konstıtýtsııa kúni týraly ne biledi
Bekmuhammed:
- Konstıtýtsııa Táýelsizdik alǵan soń qabyldandy. Árıne zańdyq turǵydan alǵanda Konstıtýtsııa kerek. Onda memleket úshin basty qundylyq adam dep jazylǵan.
Merýert Nyshanbaı:
- Ár memlekettiń óz Konstıtýtsııasy bar jáne kerek. Ár adam óz quqyǵy men bostandyǵyn qorǵaǵan sátte Ata zańǵa súıenedi. Bul mańyzdy qujat. Qazaqstanda Konstıtýtsııa eki ret qabyldandy. Birinshisi 1993 jyly jáne 1995 jyly 30 tamyzda. Ata zańda adamnyń quqyǵy men bas bostandyǵy qorǵalýy kerek dep jazylǵan. Ár adam Konstıtýtsııany bilip, onyń talaptaryn saqtaýy tıis. Biz mektepte oqyǵanymyzda Konstıtýtsııa kúnine oraı ashyq sabaq, synyptan tys is-sharalar ótetin. Konstıtýtsııa bizdiń quqyǵymyzdy qorǵaıdy, ol sol úshin de qabyldandy.
Saltanat Ábilova:
- Memleket pen onyń azamattary úshin zań kerek. Konstıtýtsııada bizdiń quqyǵymyz jazylǵan, demek adam ómiri úshin mańyzdy qujat. Memlekettiń basty qundylyǵy adam bolsa, onyń quqyǵyn Konstıtýtsııa jáne zań arqyly qorǵalyp, saqtalady. Jyl saıyn 30 tamyzda Konstıtýtsııa kúnin atap ótemiz. Bul memlekettik mereke. Esimde, mektepte Konstıtýtsııa kúnine oraı qabyrǵa gazetterin shyǵaratynbyz. Balalarymyzǵa da Ata zańnyń mańyzdylyǵyn aıtyp júremiz. Biz zańǵa baǵynýymyz qajet. Zań bárine ortaq.
Álisher Taýbasov:
- Konstıtýtsııa kerek. Bul memlekettiń basty qujaty. Barlyq zań bastaýyn Konstıtýtsııadan alady. El tutastyǵy men birligi Ata zańmen qorǵalady. Adamdarǵa ortaq múddeniń biri ol zańǵa baǵyný. Konstıtýtsııany qabyldaýda QR Tuńǵysh Prezıdenti erekshe ról atqardy.
Baıan Sarbasova:
- Konstıtýtsııa aldymen zańnamalyq tártip. Jáne ol barshaǵa ortaq talap. Ata zańda azamattardyń quqyǵy týraly jazylǵan. Zańdy kúshi bar Konstıtýtsııanyń talaptaryn bárimiz saqtaýymyz kerek. Elde tutastyq pen tynyshtyq bolsa demek Konstıtýtsııa jumys isteıdi degen sóz. Adamdardyń bir elde, ortaq zańǵa baǵynyp ózara tatý-tátti ómir súrý bul da Konstıtýtsııanyń arqasy. Ata zańnyń maqsaty – aldymen adamnyń quqyǵyn qorǵaýy tıis, ekinshiden adamdar sonda jazylǵan talap, mindetterdi saqtaýy tıis.
Danııar:
- Bizdiń el ýnıtarly, zaıyrly. Konstıtýtsııany qazaqstandyqtardyń jaǵdaıyn jaqsartý maqsatynda qabyldady. Shataspasam, 1995 jyly qabyldandy. Bul qujat boıynsha memlekettiń basty baılyǵy onyń halqy. Konstıtýtsııa barlyq zańdardyń atasy. Soǵan súıene otyryp barlyq adam óz quqyǵyn qorǵaı alady. Memlekettiń ózi osy Konstıtýtsııanyń negizinde qalyptasady.