Elordalyqtar karantınge qaramastan qyz uzatý, mereıtoı ótkizgen
Sonymen, 31 shildede monıtorıngtik toptar 30 mekemeni ákimshilik jaýapkershilikke tartty.
Almaty aýdanynda «Alnýr», «Nýrholl» toıhanalarynda, «Ereımen» meıramhanasynda, «Mıata» saýna, laýndj barynda jáne «KıshMısh» kafesinde karantın talaptarynyń buzylǵany anyqtaldy.
Baıqońyr aýdanynda «respawn» kompıýterlik klýby men «Hıýrrem» kafesi karantın men maska rejımin elemeı jumys istegen.
Saryarqa aýdanynda 8 mekeme eldiń bas sanıtarlyq dárigeriniń qaýlysyn buzyp jumys istedi. Ol «Astaý», «Kýnjýt», «Arna», «Schaste», «El Plaza», «Tsentr plova» meıramhanalary, «Espresso» kofehanasy jáne «Gradýs» syra dúkeni.
Esil aýdanynda 14 mekeme karantın shekteýlerin buzdy. Ol «Shatush» restoran kesheni, Turan 7a dańǵylyndaǵy elordalyq mádenıet jáne demalys parki. «Oazıs» jaǵajaı klýby, «Aura Club» túngi klýby, «Maestro» karaoke bary, «Ailand Astana» JShS, «Lavash», «Carreta» tez tamaqtaný meıramhanalar jelisi, «Edelveıs», «Tengovka» monsha keshenderi, «Kakıe lıýdı» resto-bary jáne «Tequila», «Panaehalı» jáne «Chechil pub» barlary. Keı mekemelerde kóp adamdardyń jınalýymen Qyz uzatý, mereıtoılar men týǵan kúnder ótkizilgen.
Aıta keteıik, barlyq jaǵdaılar boıynsha ákimshilik sharalar qabyldaý úshin sanıtarlyq-epıdemıologııalyq baqylaý salasyndaǵy tıisti organǵa raport joldandy.
Esterińizge sala keteıik, Nur-Sultan qalasy epıdemıologııalyq jaǵdaıdy baǵalaý matrıtsasy boıynsha áli de «qyzyl» aımaqta. Kún saıyn KVI ınfektsııasynyń 1300-den astam jańa jaǵdaıy anyqtalady. Qaladaǵy epıdemıologııalyq jaǵdaı turaqsyz bolyp qalýda, sondyqtan elorda turǵyndary men qonaqtary, sondaı-aq kásipkerlik obektileri koronavırýs dertiniń odan ári taralýyn boldyrmaý úshin sanıtarlyq normalar men karantın talaptaryn qatań saqtaýy kerek.
