Elordalyqtar ınternet daýys berý arqyly qalanyń 7 úzdik mamanyn tańdady
ASTANA. QazAqparat - «Astana tańdaýy-2014» jalpy qalalyq baıqaýynyń jeńimpazdary anyqtaldy. Bul týraly astana.kz saıtyna «Báıterek» halyqaralyq medıa ortalyǵynan habarlady.
Jeńimpazdardy jarııalaý jáne marapattaý Elorda kúnine oraılastyrylyp otyr. 1-20 maýsymda Astana qalasynyń resmı saıtynda ashyq halyqtyq daýys berý ótkizildi. Búgin jeti mamandyq boıynsha úzdikterdiń esimi barsha Qazaqstanǵa belgili boldy. Atap aıtqanda, úzdik muǵalim Qurmanbaeva Maıra 28 myń daýys jınady. Elordalyqtardyń pikirinshe, úzdik dáriger - Chıcherov Kırıll. «Jol jóndeýshi» atalymynda Múseev Bekzat jeńiske jetti, «Ýchaskelik polıtsııa ınspektory» Taýmahanov Baýyrjan, «Energetık» atalymynda Işanov Oljas top jardy. Al Omarov Erken úzdik qurylysshy bolsa, Adaev Serik úzdik «Qoǵamdyq kólik júrgizýshisi» atandy. Eske salaıyq, «Astana tańdaýy» baıqaýy alǵash ret eki jyl buryn uıymdastyryldy, ol kezde qatysýshylary úshin 30 myńǵa jýyq adam daýys bergen. Bıyl 163 908 daýys berilip, rekord ornatyldy.
