Elordalyqtar gaz qyzmetin shaqyrǵany úshin aqy tólemeıtin bolady
NUR-SULTAN. QazAqparat - Elorda turǵyndary «104» apattyq qyzmetin shaqyrǵanda 5 myń teńge tólep kelgen edi. Endigide bul qyzmet tegin bolmaq, dep habarlaıdy QazAqparat.
Nur-Sultan ákimdigi saıtyndaǵy aqparatqa sáıkes, qalalyq Qorshaǵan orta sapasy jáne baqylaý basqarmasy, «AstanaGazKyzmet» JShS jáne «Báıterek» PIK qaýymdastyǵy arasynda gaz taratý júıeleriniń qaýipsiz jumys isteýin qamtamasyz etý týraly memorandýmǵa qol qoıyldy. Taraptar suıytylǵan gazdy ortalyqtandyrylǵan túrde jetkizýmen baılanysty kóppáterli turǵyn úılerdegi gazdy taratýshy júıelerdiń qaýipsiz jumysyn qamtamasyz etýi tıis.
Kelisim aıasynda «AstanaGazKyzmet» JShS úıdegi gaz jelilerin kompanııa balansyna berý sátinen bastap «104» shuǵyl jelisi arqyly turǵyndardyń ótinishterine táýlik boıy aqysyz qyzmet kórsetýdi mindetine aldy. Osy ýaqytqa deıin turǵyndar osy qyzmet úshin 5 myń teńge tólep kelgen bolatyn. Budan bólek, «AstanaGazKyzmeti» qalanyń barlyq kóppáterli turǵyn úılerine kiretin gaz taratý júıelerine qyzmet etedi. Qajet bolǵan jaǵdaıda kireberis gaz qubyrlarynyń krandaryn aýystyrýdy júzege asyrady.
