Elordalyqtar Frankfýrt, Stambýl jáne Ábý-Dabı qalalaryna jıi ushady
ASTANA. QazAqparat - Bıyl Astana halyqaralyq áýejaıynda jolaýshylar aǵyny 10,5 % ulǵaıǵan. Ústimizdegi jyldyń toǵyz aıynda 2,2 mıllıon sheteldik jáne otandyq azamat áýejaı qyzmetin paıdalanǵan. Sonyń ishinde 1,2 mıllıonnan astam adam memleket ishindegi baǵyttarmen ushqan, dep jazady qalalyq ákimdiktiń resmı saıty.
Ótken jyldyń sáıkes merzimimen salystyrǵanda bul kórsetkish 6% joǵary. Astanalyqtar kóbinese Almaty, Shymkent jáne Aqtaý qalalaryna barady.
Al halyqaralyq reısterge toqtalsaq, jyl basynan beri jolaýshylar sany 900 myń adamnan asqan, bul 2013 jylǵy kórsetkishpen salystyrǵanda 17,6 %-ǵa kóp.
Elordalyqtar Frankfýrt, Stambýl jáne Ábý-Dabı qalalaryna jıi ushady. Astana qalasy áýejaıynyń habarlaýynsha, reısterdiń keshigý kórsetkishi de 2% tómendep, reısterdiń jıiligi men jańa baǵyttardyń ashylýy kóbeıgen.
