Elordalyqtar «Dostyq birlikten bastalady» ınternet-jobasyna qatysady
ASTANA. QazAqparat - Elordada «Dostyq birlikten bastalady» atty ınternet-jobasy qolǵa alyndy.
Astana qalasy Іshki saıasat basqarmasynan astana.kz saıtyna habarlaǵandaı, jobaǵa qatysýǵa ótinimderdi qabyldaý 20 shildege deıin jalǵasady. Baıqaýǵa kez kelgen elorda turǵyny qatysa alady. Bul rette bir adam óziniń 3 eńbegin ǵana usyna alady. Baıqaý úsh baǵytta ótkiziledi: «Astana beıbitshilik pen kelisim qalasy» atty foto, karıkatýralar, «Úzdik bloger». Barlyq jumystar Astana men kóp ultty Qazaqstan taqyryptaryna arnalýy tıis.
Baıqaý komıssııasy ótinimderdi irikteıdi, al qala turǵyndary jeńimpazdardy anyqtaıdy. Qatysýshylardyń tizimi bekitilgennen keıin Іshki saıasat basqarmasynyń www.uvp.kz jáne ÚEU qoldaý ortalyǵynyń www.npo-astana.kz saıttarynda resmı daýys berý bastalady. Sodan keıin baıqaý qorytyndysy shyǵarylyp, jeńimpazdardyń esimderi jarııalanady. Sharanyń basty maqsaty - jastardy ártúrli halyqtar mádenıetimen, salttarymen, tarıhy men qazirgi ahýaldarymen tanystyrý.
